سان ڈیاگو میں چھوٹا طیارہ ہائی اسکول کیمپس کے قریب گر تباہ

کیلیفورنیا: سان ڈیاگو میں چھوٹا طیارہ ہائی اسکول کیمپس کے قریب گر تباہ ہو گیا۔

طیارہ حادثے میں 2 افراد ہلاک اور 2 زخمی ہوگئے ہیں، طیارہ گرنے سے دو گھر بی مکمل طور پر تباہ ہو ئے جبکہ ایک گھر کو جزوی نقصان پہنچا ہے۔ ریسکیو حکام کا کہنا ہے کہ طیارہ گرنے سے آگ بھڑک اٹھی جس سے کئی گاڑیاں بھی نظر آتش ہو گئیں۔

طیارے میں کتنے مسافر سوار تھے اس بارے میں تفصیل سامنے نہیں آئی لیکن رپورٹ کے مطابق طیارے میں سوار کوئی مسافر زندہ نہیں بچ سکا۔ طیارہ رن وے سے صرف آدھا میل دور تھا جب اسے حادثہ پیش آیا،ائیر ٹریفک کنٹرولر کی جانب سے پائلٹ کو خبردار بھی کیا گیا کہ طیارہ بہت نیچے ہے۔

کنٹرولر بار بار طیارے کو 5 ہزار فٹ کی بلندی پر لے جانے کی تاکید کرتا رہا جبکہ طیارہ 1500 فٹ پر ہی پرواز کرتا رہا۔ ایف اے اے اور نیشنل ٹرانسپورٹیشن سیفٹی بورڈ نے تحقیقات کا آغاز کر دیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More