امریکی کرنسی روپے کے مقابلے میں مزید گر گئی

کراچی: شہباز شریف کے وزارت عظمیٰ کا حلف اٹھانے کے بعد ملک میں جاری غیر یقینی صورتحال مستحکم ہوگئی ہے اور اسی تناظر میں امریکی کرنسی روپے کے مقابلے میں مزید گر گئی ہے۔

اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 91 پیسے کی کمی ریکارڈ کی گئی۔

اعداد و شمار کے مطابق انٹربینک میں روپے کے مقابلے میں امریکی ڈالر کی نئی قیمت 182 روپے 93 پیسے سے کم ہو کر 182 روپے 2 پیسے ہوگئی ہے۔ تین کاروباری دن میں ڈالرکی قیمت 6 روپے 16 پیسے کم ہوئی، ڈالر کی قیمت کم ہونے سے بیرونی قرضوں کے بوجھ میں 800 ارب روپے کمی واقع ہوئی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More