سال 2030 میں دو مرتبہ رمضان المبارک کا مہینہ آئے گا

کراچی: سال 2030 میں دو مرتبہ رمضان المبارک کا مقدس مہینہ آئےگا۔

سعودی ماہر فلکیات خالد الذقاق نے اپنے ٹوئٹر اکاؤنٹ پر پوسٹ کی گئی ایک ویڈیو بتایا ہے کہ سال 2030میں مسلمان دو بار رمضان کے روزے رکھیں گے۔ ان کا کہنا ہے کہ اسلامی کلینڈر قمری ادوار جبکہ عیسوی کلینڈر سورج کے گردزمین کے گردش کی نشان دہی کرتا ہے۔

رمضان ایک عیسوی سال میں قریباً ہر 30 سال میں دوبارآتا ہے۔ ہجری سال 1451ھ میں رمضان المبارک کا آغاز5 جنوری 2030کے آس پاس ہوگا اور سال 1452ھ میں رمضان 26 دسمبر 2030 کے آس پاس آئے گا۔اس طرح سے مسلمان 2030 میں مجموعی طور پر تقریباً 36 دن روزے رکھیں گے۔

آخری بارایسا 1997 میں ہوا تھا اور اس سے پہلے 1965 میں ہوا تھا۔2030 کے بعد سنہ 2063 میں ایک مرتبہ پھر دوباررمضان آئے گا۔ واضح رہے کہ ہجری قمری سال 354 یا 355 دن کا ہوتا ہے جبکہ عیسوی سال 365 دن کا ہوتا ہے اسی لیے ہر سال رمضان اور دیگر مہینوں کی تاریخوں میں ہیر پھیر آتا ہے

This website uses cookies to improve your experience. We'll assume you're ok with this, but you can opt-out if you wish. Accept Read More