منی لانڈرنگ کیس میں شہباز شریف پر فرد جرم کیلئے تاریخ مقرر

لاہور: اسپیشل سینٹرل عدالت نے منی لانڈرنگ کیس میں اپوزیشن لیڈر شہبازشریف پر فرد جرم عائد کرنے کیلئے 25 مارچ کی تاریخ مقرر کر دی ۔

تفصیلات کے مطابق شہبازشریف سمیت دیگر کے خلاف منی لانڈرنگ کے مقدمے میں اہم پیشرفت سامنے آئی ، عدالت نے شہباز شریف سمیت دیگر ملزمان پر فرد جرم کیلئے 25 مارچ کی تاریخ مقرر کردی۔ لاہور کی اسپیشل سینٹرل عدالت کے جج اعجاز حسن اعوان نے شہباز شریف سمیت دیگر کے خلاف تحریری فیصلہ جاری کردیا۔

جس میں عدالت نے شہباز شریف اور حمزہ شہباز سمیت ملزمان کو فرد جرم عاٸد کرنے کے لیے آٸندہ سماعت پر طلب کر لیا۔ فیصلے میں کہا گیا ہے کہ ایف آئی اے کی جانب سے شہباز شریف کے خلاف توہین عدالت کی درخواست پر وکلاء آٸندہ سماعت پر دلاٸل دیں ۔

عدالت نے شریک ملزم عثمان احمد کی عدالتی داٸرہ اختیار کے خلاف درخواست پر بھی وکلاء کو آئندہ سماعت پر دلائل کے لیے پابند کردیا اور حکم دیا کہ ملزم عثمان آئندہ سماعت پر اپنے وکیل کی حاضری یقینی بنائے۔ عدالت نے قرار دیا کہ ایف آئی اے تین روز میں بینک ملازمین کے بیانات کی کاپیاں عدالتی سٹاف کو جمع کروائے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More