شہباز شریف ہر روز الزامات سے سرخرو ہوتے ہیں، مریم اورنگزیب

اسلام آباد: رہنما مسلم لیگ ن مریم اورنگزیب نے کہا ہے کہ کوئی منی لانڈرنگ نہیں، کوئی کمیشن نہیں، کوئی کک بیک نہیں۔شہباز شریف ہر روز الزامات سے سرخرو ہوتے ہیں۔

ترجمان مسلم لیگ ن مریم اورنگزیب کا کہنا ہے کہ صاف پانی کیس کا ‎تفصیلی فیصلہ احتساب کے بیانیہ پرایک اور طمانچہ ہے۔ جھوٹےاحتساب کا بیانیہ ہر روز منہ کے بل گرتا ہے۔

ان کا کہنا ہے کہ شہباز شریف کو صاف پانی کیس میں بلایا اور آشیانہ کیس میں گرفتار کیا تھا۔ ‎کوئی منی لانڈرنگ نہیں، کوئی کمیشن نہیں، کوئی کک بیک نہیں۔شہباز شریف ہر روز الزامات سے سرخرو ہوتے ہیں۔

انہوں نے کہا ہے کہ شہباز شریف نے کم بولی دینے والی کمپنی سے مذاکرات کرکے منصوبے کی لاگت مزید کم کرائی۔ فیصلوں کی فوٹو کاپی کر کے کرایے کے ترجمانوں کو پڑھنے کے لیے بھیج دی گئی ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More