اسلام آباد ہراسگی کیس اور موٹروے ریپ کیس کی رپورٹ طلب

اسلام آباد: وزیر اعظم عمران خان نے اسلام آباد ہراسگی کیس اور موٹروے ریپ کیس کی رپورٹ طلب کر لی۔

ذرائع کے مطابق وزیراعظم نے ہدایت کی ہے کہ روزانہ کی بنیاد پر فالو اپ کر کے ان کیسز کو منطقی انجام تک پہنچایا جائے۔ انہوں نے کہا کہ شہریوں کے حقوق کا تحفظ حکومت کا اولین فرض ہے، ریاست ہر صورت ان کیسز کی پیروی کر کے ملزمان کو سخت سزائیں دلوائے گی۔

وزیراعظم نے کہا کہ بھیانک جرائم میں ملوث عناصر اعتدال پسند معاشرے اور انصاف کے نظام کیلئے چیلنج ہیں۔ یاد رہے کہ موٹر وے ریپ کیس میں اے ٹی سی میں سزائے موت کی سزا سنائی جا چکی ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More