سابق ڈائریکٹر ایف آئی اے ڈاکٹر رضوان کی نماز جنازہ ادا کردی گئی

لاہور: شہباز شریف فیملی کیخلاف منی لانڈرنگ کیس کی تحقیقات کرنے والے سابق ڈائریکٹر ایف آئی اے ڈاکٹر رضوان کی نماز جنازہ آج لاہور میں ادا کر دی گئی۔

ڈاکٹر رضوان کی نماز جنازہ جوہر ٹاون لاہور میں ادا کی گئی، مولانا طارق جمیل نے ڈاکٹر رضوان کی نماز جنازہ پڑھائی، نماز جنازہ میں مختلف شعبہ ہائے زندگی سے تعلق رکھنے والی شخصیات کی شرکت کی۔

سابق ڈائریکٹر ایف آئی اے ڈاکٹر رضوان گذشتہ روز دل کا دورہ پڑنے سے انتقال کر گئے تھے، ڈاکٹر رضوان کو دل کا دورہ پڑنے پر سروسز اسپتال لایا گیا تھا مگر وہ جانبر نہ ہو سکے، یاد رہے ڈاکٹر رضوان نے وزیراعظم شہباز شریف کے منی لانڈرنگ سمیت کئی کیسز کی تفتیش کی تھی۔

This website uses cookies to improve your experience. We'll assume you're ok with this, but you can opt-out if you wish. Accept Read More