برطرف گورنر پنجاب عمر سرفراز چیمہ کی قانونی ماہرین کے ساتھ مشاورت

لاہور: برطرف گورنر پنجاب کی قانونی ماہرین کے ساتھ بیٹھک ہوئی جس میں آئندہ کے لائحہ عمل پر مشاورت کی گئی۔ عمر سرفراز چیمہ کا کہنا تھا کہ عمران خان کا سپاہی ہوں، ڈٹ کر مقابلہ کروں گا۔

خیال رہے وفاقی حکومت نے گورنر پنجاب عمر سرفراز چیمہ کو برطرف کر دیا۔ کابینہ ڈویژن نے نوٹی فکیشن جاری کیا۔ گورنر پنجاب سرفراز چیمہ کو ہٹائے جانے کی سمری کے دن پورے ہونے کے بعد آئین اور ضابطے کے مطابق عمر سرفراز چیمہ کو بطور گورنر پنجاب کو ڈی نوٹیفائی کر دیا گیا ہے۔

نئے گورنر کی تعیناتی تک آئین کے مطابق اسپیکر پنجاب اسمبلی قائم مقام گورنر ہوں گے۔ نوٹی فکیشن جاری ہونے کے بعد عمر سرفراز چیمہ سے سیکیورٹی واپس لے لی گئی ہے۔

گورنر ہاؤس کے باہر سیکورٹی ہائی الرٹ کرتے ہوئے مزید نفری تعینات کر دی گئی۔ حکومتی ذرائع کے مطابق عمر سرفراز چیمہ کو گورنر ہاؤس میں داخل نہیں ہونے دیا جائے گا۔

This website uses cookies to improve your experience. We'll assume you're ok with this, but you can opt-out if you wish. Accept Read More