اپوزیشن جماعتوں کا ہر شوشہ ناکام رہا ہے

لاہور: وزیراعلیٰ عثمان بزدار نے کہا ہے کہ اپوزیشن اکٹھی ہو کر بھی وزیراعظم عمران خان کا مقابلہ نہیں کرسکتی، اپوزیشن جماعتوں کا ہر شوشہ ناکام رہا ہے۔

وزیراعلی پنجاب عثمان بزدار نے اپنے بیان میں کہا ہے کہ وزیراعظم عمران خان کی قیادت میں ملکی دولت لوٹنے والوں کے خلاف ڈٹ کر کھڑے ہیں، استعفوں، لانگ مارچ اور عدم اعتماد کی باتیں سن کر عوام تنگ آ چکے ہیں۔

عثمان بزدار کا کہنا تھا کہ اپوزیشن میں لانگ مارچ کرنے، استعفے دینے اور عدم اعتماد لانے کی ہمت ہی نہیں، یہ لوگ صرف اپنے آپ کو میڈیا میں زندہ رکھنا چاہتے ہیں، عوام جان چکے ہیں کہ اپوزیشن کے پاس فلاح عامہ کا کوئی ایجنڈا نہیں، قوم کل بھی وزیراعظم عمران خان کے سا تھ تھی، آج بھی ہے اور کل بھی رہے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More