اقتدار کی محرومی نے عمران کو پاگل کر دیا ہے، خواجہ آصف

اسلام آباد: وزیر دفاع خواجہ آصف نے کہا ہے کہ اقتدار نا پائیدار چیز ہے ہمیشہ کسی کے پاس نہیں رہتا، اس کی محرومی نے عمران کو پاگل کر دیا ہے۔

اپنے بیان میں انہوں نے کہا کہ اختلاف کرنا حق ہے مگر اداروں پر حملہ کرنا،بغاوت کی ترغیب دیناملک دشمنی ہے۔

ان کا کہنا تھا کہ پاک فوج کو ٹارگٹ کر کے عمران خان اور حواری پاکستان دشمن ایجنڈے پر کام کر رہے ہیں۔

چند روز قبل قومی اسمبلی میں اظہار خیال کرتے ہوئے خواجہ آصف نے کہا تھا کہ عمران خان موجودہ ملکی حالات کے ذمہ دار ہیں۔ الیکشن کمیشن نے عمران خان کا اصلی چہرہ دکھا دیا۔

انہوں نے کہا تھا کہ الیکشن کمیشن نے 8 سال کے بعد ایک فیصلہ سنایا ہے، پاکستان کی سیاسی تاریخ میں اتنے زیادہ اختلافی مسئلے کے اوپر فیصلے کی مثال نہیں ملتی۔ نواز شریف کے اوپر ایک مقدمہ بنا جس میں بیٹے سے 10 ہزار تنخواہ نہ لینے پر نااہل کر دیا گیا تھا۔

انہوں نے کہا کہ آج ایک شخص کے خلاف فیصلہ آیا ہے جس کو سپریم کورٹ نے صادق و امین قرار دیا لیکن آج الیکش کمیشن کے فیصلے کے بعد وہ شخص فارن فنڈڈ ایجنٹ ہو چکا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More