سابق ڈائریکٹر ایف آئی اے ڈاکٹر رضوان انتقال کر گئے

لاہور: سابق ڈائریکٹر ایف آئی اے ڈاکٹر رضوان انتقال کر گئے۔

رپورٹ کے مطابق ڈاکٹر رضوان کو دل کا دورہ پڑنے پر سروسز اسپتال لے جایا گیا لیکن جانبر نہ ہو سکے، یاد رہے ڈاکٹر رضوان نے شہباز شریف فیملی کیخلاف منی لانڈرنگ کیس کی تحقیقات کی تھیں۔ ڈاکٹر رضوان نے شوگر اسکینڈل پر بھی تحقیقات کی تھیں، موجودہ حکومت کے آنے پر ڈاکٹر رضوان چھٹیوں پر چلے گئے تھے۔

پاکستان تحریک انصاف کے سابق وزیر اطلاعات فواد چوہدری نے ٹوئٹ میں ان کی موت کی تصدیق کرتے ہوئے لکھا کہ شہباز شریف کیخلاف کیس کرنیوالے بہادر ڈائریکٹر ایف آئی اے ڈاکٹر رضوان خالق حقیقی سے جا ملے۔ خدا ان کو کروٹ کروٹ جنت نصیب کرے بہت دلیر اور فرض شناس شخص دنیا سے گیا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More