ڈھاکا ٹیسٹ: پاکستان نے بنگلہ دیش کو فالو آن کرادیا

ڈھاکا: ٹیسٹ میچ میں پاکستان نے بنگلہ دیش کو فالو آن کرادیا۔ بنگلہ دیش کی پوری ٹیم پہلی اننگز میں 87رنز بناکر آوٹ ہو گئی۔

ڈھاکا ٹیسٹ میچ میں بنگلہ دیش نے فالوآن کے بعد دوسری اننگز میں بیٹنگ شروع کردی۔ بنگلہ دیش کو اننگز کی شکست سے بچنے کے لیے 213 رنز درکار ہیں۔ بنگلہ دیش کو اب پاکستان کی برتری ختم کرنے کے بعد پاکستان کو ہدف دینا ہوگا۔ پہلی اننگز میں آف اسپنر ساجد خان نے بنگلہ دیش کی بیٹنگ لائن اڑا کر رکھ دی۔

ساجد خان نے 10 میں سے 8 وکٹیں حاصل کیں۔ میزبان ٹیم کے 9 کھلاڑی ڈبل فگر میں داخل نہ ہوسکے۔ بنگلہ دیش کی طرف نے شکیب الحسن نے سب سے زیادہ 33 رنز بنائے جبکہ نجم الحسن نے 30 رنز جوڑے۔

یاد رہے کہ پاکستان نے کھیل کے چوتھے روز پہلی اننگز300 رنز 4 کھلاڑی آوٹ پر ڈکلیئر کر دی تھی۔ پاکستان کے بابر اعظم، اظہر علی، فواد عالم اور محمد رضوان نے نصف سنچریاں بھی اسکور کیں۔

This website uses cookies to improve your experience. We'll assume you're ok with this, but you can opt-out if you wish. Accept Read More