قانون پر عملدرآمد ہونے سے ہی حالات بہتر ہوسکیں گے

لاہور: ترجمان پنجاب حکومت حسان خاور کا کہنا ہے خواتین کو وراثت میں حصہ نہ ملنے سے مختلف جرائم جنم لیتے ہیں، سیالکوٹ موٹروے کا واقعہ ہوا تو مختلف سوالات اُٹھائے گئے۔

لاہور ہائیکورٹ بار میں خواتین کے حقوق سے متعلق سیمینار سے خطاب کرتے ہوئے ترجمان پنجاب حکومت حسان خاور کا کہنا تھا کہ سرگودھا اور فیصل آباد والے واقعے میں وزیراعلیٰ نے نوٹس لیا اور ایکشن ہوا، خواتین کے حقوق کے تحفظ کیلئے قوانین موجود ہیں لیکن عملدرآمد نہیں ہورہا۔

حسان خاور کا کہنا تھا کہ حکومت قوانین بنا دیتی ہے، زینب والے معاملے پر ایک بل بنا، خواتین کو وراثت میں حصہ نہ ملنے سے مختلف جرائم جنم لیتے ہیں، خواتین کے حقوق کے تحفظ کیلئے خصوصی عدالتیں بنانے کی ضرورت ہے۔

ترجمان پنجاب حکمت کا کہنا تھا کہ جرائم کی بیخ کنی کیلئے متعلقہ اداروں کو اقدامات کرنے کی ضرورت ہے، قانون پر عملدرآمد ہونے سے ہی حالات بہتر ہوسکیں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More