تازہ ترین

پاکستان اسٹیٹ آئل نے یورو 5 پیٹرول کی درآمد شروع کردی

اسلام آباد: (08 اگست 2020)پاکستان اسٹیٹ آئل یورو 5 در آمد کرنے والی پہلی آئل مارکیٹنگ کمپنی ہے۔

وزیرپیٹرولیم ڈویژن کی جانب سے جاری ہونے والے بیان کے مطابق پاکستان اسٹیٹ آئل نے یورو5 پیٹرول کی درآمد شروع کر دی ہے، اور پی ایس او یورو 5 در آمد کرنے والی ملک کی پہلی آئل مارکیٹنگ کمپنی ہے، جنوری 2021 تک یورو فائیو ڈیزل کی بھی درآمد شروع کردی جائے گی، پیٹرولیم ڈویژن یورو فائیو پٹرول کے لیے ٹیسٹنگ لیب پہلے سے ہی قائم کر چکی ہے۔

ترجمان پیٹرولیم ڈویژن کا کہنا ہے کہ پٹرولیم ڈویژن نے یورو 5 پٹرول اور ڈیزل درآمد کے حوالے سے پالیسی گائیڈ لائنز جاری کر چکی ہے، یورو فائیو پٹرول کے استعمال سے ماحولیاتی آلودگی کم کرنے میں مدد ملے گی، توقع کرتے ہیں کہ نجی آئل مارکیٹنگ کمپنیاں بھی یورو فائیو پٹرول کی درآمد شروع کر دیں گی۔

Comments are closed.

Scroll To Top