پی ڈی ایم میں دم ہے تو ابھی لانگ مارچ کریں، حسان خاور

لاہور: ترجمان پنجاب حکومت حسان خاور نے بھی پی ڈی ایم کو بھان متی کا کنبہ قرار دے دیا۔ کہتے ہیں کہ پی ڈی ایم میں دم ہے تو تین ماہ انتظار کیوں ابھی لانگ مارچ کریں، آئی ایم ایف کا پروگرام کڑوی گولی ہے جو ہم جیسے ملکوں کو نگلنا پڑتی ہے۔

وزیراعلیٰ پنجاب کے معاون خصوصی حسان خاور کا کشمیر روڈ پر زیرتعمیر انڈرگراونڈ ٹینک کا دورہ کیا۔ بارشی پانی ذخیرہ کرنے کے منصوبے پر کام کا جائزہ لیا، 15 لاکھ گیلن پانی جمع کرنے کا یہ ٹینک اگلے سال فروری میں فعال ہوجائے گا۔

میڈیا سے گفتگو میں اپوزیشن پر تنقید کرتے ہوئے حسان خاور بولے کہ پی ڈی ایم نے پہلے اعلان کیا کہ جنوری میں حکومت کو چلتا کریں گے پھر ان میں لڑائی پڑ گئی، اب تین ماہ آگے کی تاریخ دے کر پی ڈی ایم راہ فرار اختیار کر رہی ہے۔

حسان خاور نے کہا کہ آئی ایم ایف کے ساتھ ایسا کوئی معاہدہ نہیں کیا جو کسی کے سامنے نا ہو، آئی ایم ایف کے علاوہ کوئی بھی بڑا ڈونر پاکستان کی مدد نہیں کرسکتا۔ ترجمان پنجاب حکومت نے اعلان کیا کہ اگر پی ڈی ایم قانون کے مطابق احتجاج کا حق استعمال کرے گی تو ہماری طرف سے لانگ مارچ کی اجازت ہوگی۔

This website uses cookies to improve your experience. We'll assume you're ok with this, but you can opt-out if you wish. Accept Read More