پشاور میں ڈینگی کے کیسز میں مسلسل اضافہ

پشاور: خیبر پختونخوا میں ڈینگی کے کیسز میں مسلسل اضافہ جاری ہے، صوبے میں 24 گھنٹوں کے دوران ڈینگی کے مزید 183 کیسز رپورٹ ہوئے ہیں۔

تمام ترحکومتی اور انتظامی کوششوں کے باوجود خیبر پختونخوا میں ڈینگی کے وار جاری ہیں پشاور میں ڈینگی سے ایک اور شخص کی ہلاکت کے بعد جاں بحق افراد کی تعداد 9 ہو گئی جبکہ صوبے میں گزشتہ 24گھنٹوں کے دوران ڈینگی کے مزید 183 نئے کیسز رپورٹ ہونے کے بعد متاثرہ مریضوں کی تعداد 7843 ہوگئی۔

شہر کے اسپتالوں میں ڈینگی کے مریضوں کی تعداد بڑھ کر 124 ہو گئی ہے۔ پشاورمیں ڈینگی کے 89نئےکیسز سامنے آگئے۔ صوبے میں ڈینگی کے مشتبہ مریضوں کی تعداد 46 ہزار871 ہے۔

صوبائی حکومت کی ہدایت پرضلعی انتظامیہ نے ڈینگی کے خاتمے کیلئے شروع کی جانے والی سات روزہ اینٹی ڈینگی مہم کے دوران شہر کے متاثرہ علاقوں میں محکمہ صحت اورڈبلیو ایس ایس پی کی جانب سے سپرے کا عمل جاری ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More