نگراں وزیر اعظم، شہباز شریف نے جسٹس گلزار احمد کا نام مسترد کر دیا

اسلام آباد: شہباز شریف نے نگراں وزیراعظم کیلیے تجویز کردہ جسٹس ریٹائرڈ گلزار احمد کا نام مسترد کردیا ہے اور اس حواسے صدر مملکت کو خط بھی لکھ دیا ہے۔

شہباز شریف نے وزیراعظم عمران خان کی جانب سے نگراں وزیراعظم کیلیے تجویز کردہ جسٹس ریٹائرڈ گلزار احمد کا نام مسترد کردیا ہے اور کہا ہے کہ معاملہ ابھی عدالت میں ہے اس لیے عمل شروع کرنے کا اختیار نہیں۔ شہباز شریف نے اس حوالے سے صدر مملکت کو خط بھی ارسال کردیا ہے۔

شہباز شریف نے صدر مملکت ڈاکٹر عارف علوی نے کہا ہے کہ نگراں وزیر اعظم کے لیےآپ کے 2 خط موصول ہوئے لیکن اسپیکر رولنگ کے خلاف عدالت نوٹس لے چکی ہے۔

انہوں نے لکھا ہے کہ اس موقع پر نگراں وزیراعظم کا تقررغیر آئینی اور ناقابل عمل ہے، صدر اور وزیر اعظم کا ہر اقدام سپریم کورٹ فیصلے سے مشروط ہوگا۔

This website uses cookies to improve your experience. We'll assume you're ok with this, but you can opt-out if you wish. Accept Read More