اسلام آباد: مسلم لیگ ن کے صدر شہباز شریف نے کہا ہے کہ اقتدار کی حوس نے عمران خان اور حواریوں کو ذہنی مفلوج کر دیا ہے۔
مسلم لیگ ن کے صدر شہباز شریف نے اپنے ٹوئٹ میں کہا کہ پاکستان تحریک انصاف (پی ٹی آئی) کے کچھ ساتھیوں کا آئین کے دفاع میں نیازی کے خلاف کھڑے ہونا خوش آئند ہے۔ انہوں نے کہا کہ آئیں ہم سب آئین اور قانون کی حفاظت اور پاسداری کے لیے یکجا ہو جائیں۔ اقتدار کی ہوس نے عمران خان اور حواریوں کو ذہنی مفلوج کر دیا ہے۔
اقتدار کی حوس نے نیازی اور اس کے بچے کھچے حواریوں کو ذہنی طور پر مکمل طور پر مفلوج کر دیا ہے۔ تحریک انصاف کے کچھ ساتھیوں کا آئین اور قانون کے دفاع میں نیازی کے خلاف کھڑا ہونا خوش آئیند ہے۔ آئیں ہم سب آئین اور قانون کی حفاظت اور پاسداری کے لیے یکجا ہو جائیں!
— Shehbaz Sharif (@CMShehbaz) April 6, 2022
شہباز شریف نے کہا کہ ملک معاشی طور پر دیوالیہ ہوا تو اس کے ذمہ دار عمران نیازی ہوں گے اور اگر معاشی طور پر تباہ ہوئے تو کسی کو عالمی سازش کرنے کی ضرورت نہیں ہو گی۔ انہوں نے کہا کہ حکومت نے ملکی معیشت کو تباہ کر دیا ہے اور اگر عدم استحکام جاری رہا تو ڈالر 200 روپے سے اوپر چلا جائے گا اور اس وقت بھی ڈالر کی قیمت 186 روپے سے اوپر جا رہی ہے۔
صدر مسلم لیگ ن نے کہا کہ سازش عمران نیازی نے معیشت کی تباہی کی صورت میں کی ہے۔ غیرملکی زرمبادلہ کے ذخائر میں 4.3 ارب ڈالر یعنی 430 کروڑ ڈالر کی کمی ہوئی ہے۔عدالت عظمٰی کا جلد فیصلہ کرنا پاکستان کے قومی مفادات کی ضرورت ہے۔