کامن ویلتھ گیمز:پاکستان نے ایک اور کانسی کا تمغہ جیت لیا

کامن ویلتھ گیمز میں میٹ ریسلنگ کے مقابلے میں پاکستان نے ایک اور کانسی کا تمغہ جیت لیا۔

برطانیہ میں جاری مقابلوں میں عنایت اللہ پہلوان نے 65 کلو گرام کیٹگری میں سکاٹ لینڈ کے پہلوان کو شکست دے کر کانسی کا تمغہ جیت لیا۔

پشاور سے تعلق رکھنے والے عنایت اللہ نے اپنے حریف کو دس صفر سے شکست دے دی۔

کامن ویلتھ گیمز میں شاندار کارکردگی، دو پاکستانی ریسلرز فائنل میں پہنچ گئے

کامن ویلتھ گیمز میں پاکستان کے مجموعی میڈلز کی تعداد تین ہوگئی،پاکستان اب تک ایک گولڈ اور دو بزانز میڈل جیت چکا ہے۔

دوسری جانب میٹ ریسلنگ کی 86 کلو اور 125 کلو کٹیگری میں پاکستان کے انعام بٹ اور زمان انور فائنل میں پہنچ چکے ہیں۔

اس سے پہلے گجرانوالہ سے تعلق رکھنے والے نوح بٹ نے ویٹ لفٹنگ میں پاکستان کے لیے گولڈ میڈل جیتا جبکہ شاہ حسین نے پہلوانی کے مقابلے میں کانسی کا تمغہ حاصل کیا۔

This website uses cookies to improve your experience. We'll assume you're ok with this, but you can opt-out if you wish. Accept Read More