عدم اعتماد حزب اختلاف کا وہ بچہ ہے جو کہیں کھو گیا ہے، فواد چوہدری

اسلام آباد: وفاقی وزیر اطلاعات فواد چوہدری نے کہا ہے کہ حزب اختلاف عدم اعتماد کا وہ بچہ ہے جو کہیں کھو گیا ہے۔

وفاقی وزیر اطلاعات فواد چوہدری نے پریس کانفرنس کرتے ہوئے کہا کہ پیپلز پارٹی لانگ مارچ کو راولپنڈی میں خوش آمدید کہیں گے اور حکومت پیپلز پارٹی کے 60،70 شرکا کو چائے پلائے گی۔ چاہتے ہیں کہ پیپلز پارٹی عوامی مارچ میچ ختم ہونے کے بعد راولپنڈی آئے۔

انہوں نے کہا کہ مختلف ممالک سے 23 مارچ پریڈ میں وفود آئیں گے جبکہ پاکستان میں اسلامی ممالک کی تنظیم (او آئی سی) کا اجلاس ہونے جا رہا ہے اور پاکستان کی خارجہ پالیسی پہلی بار ملک کے اندر ہی بن رہی ہے۔ فواد چوہدری نے کہا کہ روس یوکرین پر پاکستان کا مؤقف واضح ہے اور وزیر اعظم نے کبھی بھی فوجی حل کی حمایت نہیں کی جبکہ ہم کسی کے ساتھ خراب تعلقات کے خواہاں نہیں ہیں۔ وزیر اعظم نے کچھ روز قبل روسی ٹی وی سے انٹرویو میں مؤقف بھی دیا تھا۔

انہوں نے کہا کہ عمران خان پاکستان اور مسلم امہ کے لیڈر ہیں۔ 48 گھنٹے کا کہا گیا تھا لیکن 72 گھنٹے ہو گئے اور عدم اعتماد نہیں آئی۔ عدم اعتماد حزب اختلاف کا وہ بچہ ہے جو کہیں کھو گیا ہے۔ افسوس ہے ذوالفقار بھٹو کی جماعت ایک صوبے کی جماعت رہ گئی، اب پیپلز پارٹی زرداری خاندان سے واپس لے لینی چاہیے۔

وفاقی وزیر اطلاعات نے کہا کہ فضل الرحمان کا چہرہ اترا ہوا ہے اور حزب اختلاف کی کوششیں ناکام ہوں گی۔ حزب اختلاف میں جن کا پیسہ بیرون ملک ہے وہ بے ہوش ہو رہے ہیں۔ جہانگیر ترین کے بیٹے سے والد کی حت پر بات ہوئی ہے۔ انہوں نے کہا کہ پشاور دھماکہ پر بھارت سے ہر پیغام آسٹریلیا ٹیم کو ٹیگ ہو رہا تھا۔ ہم کہتے ہیں مودی اپنے لوگوں کو اس طرح استعمال نہ کریں۔

This website uses cookies to improve your experience. We'll assume you're ok with this, but you can opt-out if you wish. Accept Read More