پیٹرول کی قیمتوں میں اضافہ، قیدیوں کی حاضری ویڈیو لنک کے ذریعے لگانے کا حکم

اسلام آباد: وفاقی دارالحکومت کی مقامی عدالت نے پیٹرول کی قیمتوں میں اضافے کے بعد قیدیوں کی ویڈیو لنک کے ذریعے حاضری لگانے کا حکم جاری کر دیا۔

اسلام آباد کی ڈسٹرکٹ اینڈ سیشن کورٹ نے پیٹرول کی قیمتوں میں اضافے کے بعد قیدیوں سے متعلق نیا حکم جاری کر دیا جس کے مطابق اڈیالہ جیل سے قیدیوں کی ویڈیو لنک پر حاضری لگائی جائے۔ پیٹرولیم مصنوعات کی قیمتوں میں اضافے کے باعث جج عطا ربانی نے ماتحت ججز کو احکامات جاری کیے کہ جن ملزمان کے چالان ابھی جمع نہیں ہوئے ان کی حاضری جیل سے ویڈیو لنک کے ذریعے لگائی جائیں۔

جاری کردہ اعلامیہ کے مطابق ویڈیو لنک پر حاضری لگانے سے گاڑیوں کے جیل کے چکر اور سرکاری وسائل کی بچت ہو سکے گی۔ پیٹرولیم مصنوعات مں اضافے کے بعد قومی خزانے کو نقصان سے بچانے کے لیے یہ اقدام اٹھایا گیا۔ حکم کے مطابق دن 11 سے ایک بجے تک ویڈیو لنک کے ذریعے حاضری کے لیے 5 جوڈیشل مجسٹریٹ مقرر ہوں گے۔

This website uses cookies to improve your experience. We'll assume you're ok with this, but you can opt-out if you wish. Accept Read More