دنیا بھر میں پیٹرول کی قیمت کم ہوئی جبکہ پاکستان میں یہ بڑھی ہے

اسلام آباد: مسلم لیگ ن کے سینئر رہنما اور سابق وزیر اعظم شاہد خاقان عباسی نے وفاقی حکومت پر طنز کرتے ہوئے کہا کہ دنیا بھر میں پیٹرول کی قیمت کم ہوئی جبکہ پاکستان میں یہ بڑھی ہے ۔

اسلام آباد میں میڈیا سے گفتگو میں شاہد خاقان عباسی نے کہاکہ پاکستان گزشتہ تین سال سے بد ترین مہنگائی کی لپیٹ میں ہے ، آپ کو مسلم لیگ ن کے پانچ سالہ دور حکومت میں کوئی کرپشن ملی ، اگر ملی ہے تو ٹی وی کیمروں کے سامنے ہماری تفتیش کریں ، ہم نے بڑے زعم والے دیکھے ہیں لیکن فتح حق کی ہوگی۔

انہوں نے کہا کہ ہزاروں لوگ جیلوں میں پڑے ہیں لیکن کوئی پوچھنے والا نہیں۔ شاہد خاقان عباسی نے کہا کہ آج پورا ملک منی بجٹ کا انتظار کر رہا ہے ، وزیر خزانہ کہتے ہیں کہ عوام پر صرف دو ارب روپے کے ٹیکس لگائے ہیں ، آئی ایم ایف سے کیا ڈیل ہوئی کوئی جواب نہیں ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More