تازہ ترین
محکمہ موسمیات کی شہر قائد میں جمعرات سے شدید بارشوں کی پیشگوئی

محکمہ موسمیات کی شہر قائد میں جمعرات سے شدید بارشوں کی پیشگوئی

کراچی:(03 اگست 2020) محکمہ موسمیات نے شہر قائد میں جمعرات سے ہفتے تک شدید بارشوں کی پیشگوئی کی ہے جس کے باعث اربن فلڈنگ کا بھی خدشہ ہے۔

محکمہ موسمیات نے مون سون کے نئے سسٹم کے حوالے سے ایڈوائزری جاری کرتے ہوئے کہا ہے کہ جمعرات سے ہفتے کے دوران سندھ اور بلوچستان کے مشرقی علاقوں میں موسلا دھار بارش کا امکان ہے۔

محکمہ موسمیات کے مطابق جمعرات کی شام کو خلیج بنگال سے مون سون ہوا کا کم دباؤ سندھ میں داخل ہوگا، ہوا کے کم دباؤ کے زیر اثر جمعرات کی شام سے ہفتے تک سندھ اور مشرقی بلوچستان میں مون سون کی ہوائیں شدت سے داخل ہوں گی۔

محکمہ موسمیات کے مطابق کراچی اور حیدرآباد میں جمعے اور ہفتے کو موسلا دھار بارش کے باعث اربن فلڈنگ کا خدشہ ہے ،لہذا مون سون کے نئے سلسلے کے حوالے سے تمام ادارے الرٹ رہیں۔

Comments are closed.

Scroll To Top