ازبکستان کے صدر آج پاکستان کے دورے پر پہنچیں گے

اسلام آباد: ازبکستان کے صدر شوکت مرزایوف دوروزہ دورے پرآج پاکستان پہنچیں گے، دورے کے دوران ازبک صدراور وزیراعظم عمران خان کی ون آن ون ملاقات ہوگی۔

ازبکستان کے صدر شوکت مرزایوف دوروزہ دورے پرآج پاکستان پہنچ رہے ہیں، ازبک صدر کے ہمراہ اعلیٰ سطح کا وفد بھی اسلام آباد آئے گا۔ دورے کے دوران ازبک صدر اور وزیراعظم عمران خان کی ون آن ون ملاقات ہوگی، جس میں دونوں رہنماؤں کے درمیان اہم موضوعات زیر گفتگو آئیں گے، جن میں باہمی دلچسپی کے امور اور عالمی صورتحال پر غور شامل ہے۔

پاکستان اور ازبکستان کے درمیان وفودکی سطح پربھی بات چیت ہوگی جبکہ ازبکستان کے صدر مرزایوف کی صدرعارف علوی سے الگ ملاقات ہوگی، جس میں پاکستان، ازبکستان،افغانستان کوجوڑنےوالے ٹرانس افغان ریلوے منصوبے پر بات کی جائے گی۔

This website uses cookies to improve your experience. We'll assume you're ok with this, but you can opt-out if you wish. Accept Read More