وزیر اعظم عمران خان کی زیرصدارت حکومت کا گرینڈ جرگہ آج ہوگا

اسلام آباد: وزیر اعظم عمران خان کی زیرصدارت حکومت کا گرینڈ جرگہ آج ہوگا۔

ذرائع کے مطابق وزیراعظم عمران خان کی زیرصدارت ہونے والے گرینڈ جرگے میں پی ٹی آئی کور کمیٹی، تین صوبوں کےگورنر اور وزرائے اعلیٰ کو طلب کیا گیا ہے، اس کے علاوہ وفاقی وزرا اورپارٹی سیکریٹری جنرل کو بھی طلب کیا گیا ہے۔

ذرائع کا کہنا ہے کہ گرینڈ جرگے میں وزیراعظم اہم ملکی اور قومی امورپر مشاورت کریں گے، پبلک اکائونٹس کمیٹی کے حکومتی اراکین کو بھی آج ملاقات کی ہدایت کی گئی ہے،ذرائع کا کہنا ہےکہ بعض اراکین کی تبدیلی کابھی امکان ہے۔

واضح رہے کہ گذشتہ وزیر مملکت زرتاج گل اور ملک امین اسلم کے درمیان گلاسگو کانفرنس میں لڑائی کے بے بنیاد الزام پر وزیراعظم نے سخت برہمی کا اظہار کرتے ہوئے پبلک اکاونٹس کمیٹی میں حکومتی ارکان کی فہرست پر نظر ثانی کا فیصلہ کیا تھا۔

This website uses cookies to improve your experience. We'll assume you're ok with this, but you can opt-out if you wish. Accept Read More