تازہ ترین
رہنما مسلم لیگ ن سید افتخارالحسن انتقال کرگئے

رہنما مسلم لیگ ن سید افتخارالحسن انتقال کرگئے

لاہور: (02 اگست 2020)مسلم لیگ ن کے رہنما سید افتخارالحسن پناجب کے شہر ڈسکہ میں انتقال کرگئے ہیں۔

سید افتخار الحسن حلقہ این اے 75 سے رکن قومی اسمبلی منتخب ہوئے تھے۔ وہ اپنے علاقے کے گدی نشین بھی تھے۔ صاحبزادہ سید افتخار الحسن المعروف ظاہرے شاہ کا تعلق صوبہ پنجاب کے شہر سیالکوٹ سے تھا اور وہ 2 فروری 1942 کو سیالکوٹ میں پیدا ہوئے۔

انہوں نے 1993ء اور پھر 1998ء میں ڈسکہ سے مسلم لیگ ن کے پلیٹ فارم سے قومی اسمبلی کی سیٹ کے لیے الیکشن لڑا اور کامیابی حاصل کی۔

سید افتخار الحسن پنجاب کی صوبائی اسمبلی کے رکن بھی رہ چکے ہیں، 2013 کے الیکشن میں انہوں نے مسلم لیگ (ن) کے ٹکٹ پر سیالکوٹ کے حلقہ این اے 113 سے الیکشن لڑا اور قومی اسمبلی کے رکن منتخب ہوئے۔

Comments are closed.

Scroll To Top