اچھی ٹیم تسلسل کے ساتھ ہی کھیلتی ہے

لاہور: قومی کرکٹ ٹیم کے کپتان بابر اعظم نے کہا ہے کہ اچھی ٹیم تسلسل کے ساتھ ہی کھیلتی ہے اور ٹیم نے ماڈرن کرکٹ میں خود کو منوایا ہے۔

قومی کرکٹ ٹیم کے کپتان بابر اعظم نے میڈیا سے گفتگو میں کہا کہ کل سے کیمپ کا آغاز ہو رہا ہے جس کے لیے پرجوش ہوں اور ویسٹ انڈیز کے خلاف سیریز جیتنا چاہتے ہیں۔ رضوان پر پورا اعتماد ہے کہ وہ اچھی کارکردگی دکھائے گا۔ انہوں نے کہا کہ مثبت کرکٹ کھیلنے کی کوشش کریں گے اور بطور کھلاڑی نمبر ون پر آنا خواب ہوتا ہے۔ کھلاڑی کو ہمیشہ اچھے پرفارمنس پر توجہ دینی چاہیے جبکہ ٹف ٹائم اور دباؤ میں کارکردگی بہتر ہوتی ہے۔

بابر اعظم نے کہا کہ محمد رضوان ٹیم میں اچھا سپورٹ دے رہے ہیں او ہم اس وقت ویسٹ انڈیز کے خلاف سیریز کے لیے تیاری کر رہے ہیں۔ شان مسعود اوپر کھیلتا ہے اسے اوپر ہی کھلایا جائے گا۔ انہوں نے کہا کہ پہلے وائٹ بال کا کیمپ لگا تھا اب ریڈ بال کا لگ رہا ہے اور اب ہم سخت گرم موسم میں کھیلنے کے لیے تیاری کر رہے ہیں۔ ہم نے بہترین فارمیٹ میں کارکردگی دکھانی ہے۔

کپتان قومی کرکٹ ٹیم نے کہا کہ 2 ماہ کا آف ملا تھا اور پھر ہماری بین الاقوامی کرکٹ شروع ہوئی۔ بہترین ٹیم کو ساتھ لے کر چلنے کی کوشش کریں گے اور اچھی ٹیم تسلسل کے ساتھ ہی کھیلتی ہے جبکہ ٹیم بنانے کے لیے تو مسلسل موقع لینا ہوتا ہے۔ انہوں نے کہا کہ مجھے کھلاڑیوں کو تسلسل سے کھلانا ہو گا اور ٹیم نے ماڈرن کرکٹ میں خود کو منوایا ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More