کراچی کے شہریوں کیلئے بجلی مزید 32 پیسے فی یونٹ مہنگی ہونے کا خدشہ

کراچی: کے الیکٹرک نے نومبر کی فیول چارجز ایڈجسٹمنٹ کےتحت فی یونٹ بجلی 32 پیسے مہنگی کرنے کیلئے درخواست نیپرا کو جمع کرادی ۔

نیپرا ذرائع کے مطابق نومبر کی فیول چارجز ایڈجسٹمنٹ کے ذریعے بجلی مہنگی کرنے سے متعلق درخواست اتھارٹی کو پہنچ چکی ہے ، جس میں فی یونٹ بجلی 32پیسے مہنگی اضافہ مانگا گیا ہے۔

ذرائع کے مطابق اب نیپرا آئندہ چند روز میں کے الیکٹرک کی درخواست کی سماعت کرے گا۔

واضح رہے کہ  اس سے قبل نیپرا ستمبر کی فیول چارجز ایڈجسٹمنٹ کے ذریعے فی یونٹ بجلی پونے چار روپے مہنگی کر چکا ہے جبکہ اکتوبر کی فیول چارجز ایڈجسٹمنٹ کی درخواست کی سماعت بھی مکمل ہو چکی ہے۔

ذرائع کے مطابق اکتوبر کے ایڈجسٹمنٹ کے تحت فی یونٹ بجلی 1روپے 8پیسے تک مہنگی ہونے کا امکان ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More