کانگریس کو آگاہ کر دیا ہے کہ پاکستان کو ایف سولہ طیاروں کے پرزے فروخت کر رہے ہیں، امریکی محکمہ خارجہ

ترجمان امریکی محکمہ خارجہ نیڈ پرائس کا کہنا ہے کہ پاکستان کوایف16طیاروں کے پروزوں کی فروخت سے متعلق کانگریس کو آگاہ کر دیا گیا ہے۔

امریکی دفتر خارجہ کے ترجمان کا کہنا تھا کانگریس کو پاکستان کی 450 ملین ڈالرز کی ڈیل کے بارے میں آگاہ کر دیا گیا ہے۔ یہ ڈیل ایف 16 طیاروں کے پرزوں، طیاروں کی مرمت اور دیکھ بھال کے حوالے سے ہے۔ انہوں نے کہا کہ اس سے دہشت گردوں کیخلاف کارروائیوں میں مدد ملے گی۔

نیڈ پرائس نے کہا کہ پاکستان کئی شعبوں میں امریکا کا اہم اتحادی ہے۔ پاکستان میں سیلاب سے نقصانات پر افسوس کا اظہار کرتے ہوئے کہا کہ موجودہ مشکل وقت میں امریکا پاکستان کیساتھ کھڑا ہے۔ نیڈ پرائس نے مزید کہا کہ ہم پاکستان میں میڈیا اور سول سوسائٹی پر پابندیوں پر تشویش کا اظہار کرتے ہیں۔

This website uses cookies to improve your experience. We'll assume you're ok with this, but you can opt-out if you wish. Accept Read More