بھارت کامالی سال 2022 کیلئے 530 ارب ڈالر کا بجٹ پارلیمنٹ میں پیش

نئی دہلی: بھارت کامالی سال 2022 کیلئے بجٹ 530 ارب ڈالر یعنی 39.45 کھرب بھارتی روپے ہے جبکہ دفاع کے لیے 5.25 لاکھ کروڑ روپے مختص کیے گئے ہیں۔

بھارتی میڈیا کے مطابق بھارت میں نئے مالی سال کے لیے یکم فروری کو 530 ارب ڈالر کا بجٹ پیش کر دیا گیا جو کئی ملکو ں کے مجموعی بجٹ سے زیادہ ہے۔ مودی حکومت نے آئندہ مالی سال کے بجٹ میں انفراسٹرکچرکو وسعت دینے اور سستے مکانات کی فراہمی پر خصوصی توجہ دی ہے۔ 530 ارب ڈالر یعنی 39.45 کھرب بھارتی روپے کے بجٹ میں دفاع کے لیے 5.25 لاکھ کروڑروپے مختص کیے گئے ہیں۔

بھارتی وزیر خزانہ نرملا سیتارمن نے کورونا وائرس کی وجہ سے معیشت کی خراب صورت حال کے باوجود ملک کی تیز رفتار ترقی کے لیے بنیاد فراہم کرنے کا وعدہ کیا ہے۔ انہوں نے کورونا کی وبا کے دوران دوسری مرتبہ سالانہ بجٹ پیش کرتے ہوئے کہا کہ معیشت کی بحالی اور اس کا پھر پٹڑی پر لوٹ آنا بھارتی اقتصادیات میں مضبوط لچک کا مظہر ہے۔

This website uses cookies to improve your experience. We'll assume you're ok with this, but you can opt-out if you wish. Accept Read More