تازہ ترین
منگنی ٹوٹنے کا انتقام،سابق منگیتر کے 2 معصوم بچے قتل

منگنی ٹوٹنے کا انتقام،سابق منگیتر کے 2 معصوم بچے قتل

شیخوپورہ: (19 دسمبر 2018) صوبہ پنجاب کے شہر شیخوپورہ میں دو روز قبل کم سن بہن بھائی کے اغوا کا ڈراپ سین ہوگیا اور دونوں بچوں کو قتل کرکے لاشیں نالے میں پھینکنے والے تین ملزمان کو گرفتار کرلیا ہے۔

تفصیلات کے مطابق شیخوپورہ کے علاقہ فیروز وٹواں میں انسان نے حوانیت کی مثال قائم کردی، منگنی توڑنے کا بدلہ لینے کے لئے سابق منگیتر کے دو معصوم کمسن بچوں کو قتل کر دیا۔

یہ ویڈیو دیکھنے کیلئے پلے کا بٹن دبائیے

اب تک نیوز کو حاصل ہونے والی رپورٹ کے مطابق ملزمہ نبیلہ نے بدلہ لینے کے لئے دو سال کی خدیجہ اور تین سالہ توحید کو جو اپنی نانی کے گھر آئے ہوئے تھے، ساتھیوں کے ساتھ مل کر پہلے انہیں اغوا کیا پھر گلا دبا کر قتل کیا، قتل کے بعد بچوں کی لاشیں ایک گھر میں چھپا رکھی تھیں، موقع ملنے پر قریبی نہر میں پھینکی تو پولیس نے تینوں ملزمان کو رنگے ہاتھوں گرفتار کرلیا، جس میں ایک خاتون بھی شامل ہیں۔

پولیس کے مطابق بچوں کے والد شکیل کی پہلی منگنی بھی اسی گاؤں کی نبیلہ بی بی نامی خاتون کے ساتھ ہوئی تھی، جو بعد میں ٹوٹ گئی تھی، جس پر ملزمہ نے بدلہ لینے کے لیے اپنے بھائی علی، کزن حفیظ اور بچوں کے ماموں شاہد سے مل کر بچوں کو اغوا کیا اور گلا دبا کر قتل کیا۔

واقعے کے بعد ڈی پی او شیخوپورہ جہا نزیب خان نے فوری ایکشن لیتے ہوٸے بچوں کی تلاش کے لیے ایک ٹیم تشکیل دی، جس نے اپنے تمام تر وساٸل بروے کار لاتے ہوئے تین ملزمان کو گرفتار کر لیا،ملزمان نے بچوں کی لاشیں کلہ وٹواں نہر میں پھینک دی تھیں، جن کی تلاش جاری ہے۔

یہ بھی پڑھیے

سی ٹی ڈی کی راولپنڈی میں کارروائی، کالعدم تنظیم کے دو دہشتگرد گرفتار

کراچی: پولیس کی کارروائی، 3 ملزمان گرفتار

 

Comments are closed.

Scroll To Top