تازہ ترین
پی ٹی آئی غیر ملکی فنڈنگ کی سماعت 7 فروری تک ملتوی

پی ٹی آئی غیر ملکی فنڈنگ کی سماعت 7 فروری تک ملتوی

اسلام آباد: (16 جنوری 2018) الیکشن کمیشن نے انٹرا پارٹی کیس میں تحریک انصاف کی تفصیلات کو نامکمل قرار دیتے ہوئے مزید دستاویزات طلب کرلیں جبکہ غیر ملکی فنڈنگ کیس میں اکبر ایس بابر کی مزید دستاویزات دینے کی درخواست مسترد کردی ہے۔

تفصیلات کے مطابق چیف الیکشن کمشنر نے آج پی ٹی آئی انٹرا پارٹی کیس کی سماعت کی اور کیس کا فیصلہ آج سنانے کی بجائے اسے مؤخر کردیا، دوران سماعت سردار رضا نے تحریک انصاف کی جانب سے جمع کرائی گئی دستاویزات کو نامکمل قرار دیا۔اس موقع پرچیف الیکشن کمشنر نے پی ٹی آئی سے انٹرا پارٹی انتخابات میں ووٹوں کی تفصیلات طلب کی، جس پر تحریک انصاف کے وکیل شاہد گوندل نے بینچ کو بتایا کہ انٹرا پارٹی الیکشن میں ایس ایم ایس کے ذریعے پولنگ کرائی گئی۔بعد ازاں الیکشن کمیشن نے دوبارہ تمام تفصیلات طلب کرتے ہوئے مزید سماعت چوبیس جنوری تک ملتوی کردی اور مزید تفصیلات کی جانچ کے بعد ہی پی ٹی آئی انٹرا پارٹی انتخابات کالعدم قرار دینے کی درخواست پر فیصلہ سنایا جائے گا۔

دوسری جانب الیکشن کمیشن میں پی ٹی آئی غیر ملکی فنڈنگ کیس کی بھی سماعت ہوئی جس میں درخواست گزار اکبر ایس بابر نے نئی دستاویزات جمع کرنے کے لیے درخواست دائر کی جسے مسترد کردیا گیا،اکبر ایس بابر کے وکیل نے کہا کہ تحریک انصاف کو ڈنمارک، قطر اور بحرین سمیت دیگر ممالک سے ممنوعہ فنڈنگ ہوئی جس پر ان کے مؤکل مزید دستاویزات فراہم کرنا چاہتے ہیں۔اس پر الیکشن کمیشن نے کہا کہ کمیشن پی ٹی آئی کی فنڈنگ سے متعلق اسکروٹنی خود کرے گا،الیکشن کمیشن نے اکبر ایس بابر کی درخواست مسترد کرتے ہوئے مزید سماعت سات فروری تک ملتوی کردی۔

یہ بھی پڑھیے

الیکشن کمیشن کو عمران خان کیخلاف کارروائی سے روکنے کا حکم

الیکشن کمیشن بیرون ملک پاکستانیوں کو ووٹ کی سہولت فراہم کرنے میں ناکام

Comments are closed.

Scroll To Top