تازہ ترین
یمن تنازع پر امن مذاکرات کا دوسرا دور جنوری میں ہوگا،اقوام متحدہ

یمن تنازع پر امن مذاکرات کا دوسرا دور جنوری میں ہوگا،اقوام متحدہ

اسٹاک ہوم:(14دسمبر، 2018) اقوام متحدہ کے سیکریٹری جنرل انتونیو گوتیریز نے کہا ہے کہ یمن تنازع پر امن مذاکرات کا دوسرا دور جنوری کے آخر میں ہوگا، فریقین میں مذاکرات جاری رکھنے پر اتفاق ہوا ہے۔

عرب میڈیا کے مطابق حدیدہ میں شہریوں کو امداد پہنچانے کا کام کیا جائے گا۔سیکریٹری جنرل اقوام متحدہ کے مطابق حدیدہ میں اب اقوام متحدہ مرکزی کردار ادا کرے گا، یمنی حکومت، باغی گروپ حدیدہ شہر میں جنگ بندی پر رضامند ہوگئے ہیں۔

واضح رہے کہ یمن میں برسرپیکار حوثیوں اور یمن کی آئینی حکومت کے درمیان سویڈن میں ہونے والے امن مذاکرات اختتام پذیر ہوگئے ہیں اور دونوں فریقین کے درمیان مذاکرات جاری رکھنے پر اتفاق کیا گیا ہے۔خیال رہے کہ یمنی حکومت کا وفد 4 دسمبر کو اقوام متحدہ کے سفیر کے ہمراہ سویڈن روانہ ہوئے تھے۔غیر ملکی خبر رساں ادارے کا کہنا ہے کہ اقوام متحدہ نے سیاسی معاملات، الحدیدہ بندر گاہ، صنعاء ایئرپورٹ اور معاشی معاملات پر مذاکرات کا ٹرف اایف ریفرنس پیش کیا ہے۔

یاد رہے کہ یمنی حکومت اور حوثیوں کے درمیان سنہ 2016 کے بعد سے یہ پہلے امن مذاکرات ہیں جس کے بعد تین نکات پر اتفاق رائے کیا گیا ہے اگر کسی بھی فریق کی جانب سے کوتاہی یا لاپرواہی کا مظاہرہ کیا گیا تو امن مذاکرات تعطلی کا شکار ہوسکتے ہیں۔

یمن پر حکومت کی جنگ کے دونوں فریقین کے مابین ہونے والے امن مذاکرات آسان نہیں تھے۔

یہ بھی پڑھیے:

حریفوں نے یمن میں فائربندی پر اتفاق کرلیا ہے، اقوام متحدہ

Comments are closed.

Scroll To Top