تازہ ترین
چین کا مصنوعی چاند بنا کر خلا میں بھیجنےکا فیصلہ

چین کا مصنوعی چاند بنا کر خلا میں بھیجنےکا فیصلہ

بیجنگ:(20 اکتوبر 2018) چین کے جنوب مغربی شہر چینگ دو کی انتظامیہ نے سائنس فکشن جیسی فلموں کی طرح ایک اعلان کرکے دنیا کو حیران کردیا ہے جس کے تحت وہ مصنوعی چاند یا چمکنے والا سیٹلائٹ بنائے گا۔

چین کے مقامی اخبار کے مطابق سیٹلائٹ عام چاند کے مقابلے میں 8 گنا زائد روشنی خارج کرے گا جس کے بعد سڑکوں کو روشنیوں کی ضرورت ختم ہوجائے گی۔چینی سائنسدانوں نے سولر پینل جیسے آئینوں پر خاص قسم کی کوٹنگ کی ہے جو سورج کی روشنی کو انتہائی درجے تک منعکس کرکے چینگ دو شہر کی جانب بھیجے گی۔

سیٹلائٹ چین کے قریب رہتے ہوئے مدار میں گردش کرے گا اور خود چین کی سرزمین سے بھی آسمان پر دمکتا دکھائی دے گا ۔چینگ دو شہر کے لوگ اس سیٹلائٹ کے منتظر ہیں جس سے شہر میں سیاحوں کی آمد بھی شروع ہوسکے گی۔ لیکن کچھ ڈاکٹروں نے کہا ہےکہ رات کے وقت سیٹلائٹ سے مسلسل روشنی شہریوں کی قدرتی جسمانی گھڑی اور معمولات کو متاثر کرسکتی ہے۔ اس طرح ان کی صحت پر منفی اثرات مرتب ہوسکتے ہیں۔

یہ بھی پڑھیے

ایک سیکنڈ میں 10 ٹریلین فریم عکسبند کرنے والا دنیا کا تیز ترین کیمرا

ماہرین نے نظام شمسی کے قریب ایک نیا سیارہ دریافت کرلیا

Comments are closed.

Scroll To Top