تازہ ترین
وزیراعظم شاہد خاقان عباسی کی برطانوی ہم منصب کے استقبالیے میں شرکت

وزیراعظم شاہد خاقان عباسی کی برطانوی ہم منصب کے استقبالیے میں شرکت

ویب ڈیسک:(19 اپریل 2018) وزیراعظم شاہد خاقان عباسی نے برطانوی ہم منصب تھریسامے کی جانب سے دیے گئے استقبالیے میں شرکت کی۔

سرکاری خبر رساں ادارے کے مطابق وزیراعظم شاہد خاقان عباسی نے دولت مشترکہ کے دیگر سربراہان حکومت و مملکت کے ہمراہ جمعرات کو برطانوی وزیراعظم تھریسامے کی جانب سے سینٹ جیمز محل میں دیئے جانے والے استقبالیے میں شرکت کی۔

اس موقع پر دولت مشترکہ کی سیکریٹری جنرل پیٹریشیا اسکاٹ لینڈ بھی برطانوی وزیراعظم کے ہمراہ موجود تھیں۔ استقبالیہ تقریب کے بعد تمام رہنما ایگزیکٹو سیشنز کیلئے لنکاسٹر ہاؤس پہنچے جہاں 25ویں دولت مشترکہ سربراہ اجلاس کا موضوع ایک ساتھ مشترکہ مستقبل کی جانب ہے۔

وزیراعظم شاہد خاقان عباسی اجلاس میں ایگزیکٹو سیشنز اور ریٹریٹس میں بھی شریک ہو رہے ہیں۔ لنکاسٹر ہاؤس میں ہونے والے ایگزیکٹو سیشنز میں دولت مشترکہ ممالک کے بہتر مستقبل پر بات ہو گی۔

وزیراعظم کی اجلاس میں شرکت پاکستان میں دستیاب مواقع اجاگر کرنے میں مدد دے گی اور پاکستان کو ابھرتی ہوئی منڈی کے طور پر دنیا کے سامنے لانے میں مددگار ہو گی۔

یہ بھی پڑھیے

ترک صدر کا ملک میں قبل ازوقت عام انتخابات کروانے کا اعلان

اسلحہ سازی کیلئے کسی سے اجازت لینے کی ضرورت نہیں، ایرانی صدر

Spread the love

Comments are closed.

Scroll To Top