تازہ ترین
نیب نے احد چیمہ کے عزیز واقارب کی مالیاتی تفصیلات طلب کرلیں

نیب نے احد چیمہ کے عزیز واقارب کی مالیاتی تفصیلات طلب کرلیں

لاہور: (08 اگست 2018) پنجاب کمپنیز سکینڈل میں نیب نے ایف بی آر سے بھی مدد مانگ لی۔ احد چیمہ کے اثاثہ جات کی تفصیل جاننے کیلئے قریبی عزیز واقارب کی مالیاتی تفصیلات طلب کر لی گئیں۔

کمپنیز سکینڈل میں نیب کے زیرِ تفتیش بیوروکریٹ احد خان چیمہ کی مشکلات میں اضافہ ہو گیا، نیب نے احد چیمہ کی فیملی کا ریکارڈ ایف بی آر سے طلب کر لیا۔ایف بی آر نے احد خان چیمہ کے خاندان کے افراد کا ریکارڈ مرتب کرنے کیلئے چار ٹیمیں تشکیل دے دیں۔ احد چیمہ کی بیوی صائمہ احد، بیٹے عیسیٰ احد اور مصطفیٰ احد کا ریکارڈ مرتب کیا جا رہا ہے۔ بھائی احمد سعود چیمہ، بہن سعدیہ منصور اور والدہ نشاط افزا کے ریکارڈ کی چھان بین بھی جاری ہے۔

نیب کی جانب سے فیملی کے نام پر موجود جائیدادوں کا ریکارڈ مانگا گیا جو ایف بی آر آئندہ ہفتے فراہم کرے گی۔

آشیانہ کرپشن سکینڈل کے مرکزی ملزم احد چیمہ پر 20 اگست کو احتساب عدالت کی جانب سے فردِ جرم عائد کی جائے گی۔

یہ بھی پڑھیے

العزیزیہ اسٹیل ملز اور فلیگ شپ ریفرنس منتقلی فیصلے کا تحریری حکم نامہ جاری

کراچی: فیکٹری عملے کو یرغمال بنانے والا ملزم چار روز کیلئے پولیس کے حوالے

Spread the love

Comments are closed.

Scroll To Top