تازہ ترین
ماحولیاتی آلودگی سے بچنے کیلئے تازہ ہوا کی فروخت شروع

ماحولیاتی آلودگی سے بچنے کیلئے تازہ ہوا کی فروخت شروع

آکلینڈ:(06 اکتوبر 2018) اس وقت دنیا کا کوئی ملک ایسا نہیں ہے جو ماحولیاتی آلودگی کا شکار نہ ہو۔ ایسے میں اس سے بچاؤ کیلئے نیوزی لینڈ میں تازہ ہوا ہی فروخت کیلئے پیش کردی گئی۔

نیوزی لینڈ کے دارالحکومت آکلینڈ کے ایئرپورٹ کی ڈیوٹی فری شاپ پر تازہ ہوا کین میں بند کرکے فروخت کی جارہی ہے جس کی قیمت 29 ڈالر یعنی 2 ہزار پاکستانی روپے سے زائد رکھی گئی ہے۔نیوزی لینڈ ہیرالڈ کی رپورٹ کے مطابق اس کین میں موجود تازہ ہوا نیوزی لینڈ کی اونچی اور سرسبز پہاڑیوں سے محفوظ کی گئی ہے، جس کا اہم مقصد صحت کو ماحولیاتی آلودگی سے محفوظ رکھنا ہے۔

یہ کین کیویانا کمپنی پیور فریش نیوزی لینڈ ایئر کے نام سے فروخت کر رہی ہے جس کا بچت پیک بھی دستیاب ہے، جس میں چار کین شامل ہیں جن کی قیمت 99 ڈالر یعنی 11 ہزار پاکستانی روپے سے زائد ہے۔تازہ ہوا کے کین کے ساتھ ایک ماؤتھ کیپ بھی فراہم کیا گیا ہے جس سے یہ ہوا جسم کے اندر اتاری جاسکے گی۔ دلچسپ بات یہ ہے کہ یہ کین کہیں بھی سفر کے دوران لے جایا جاسکتا ہے۔

یہ بھی پڑھیے

دنیا کی مہنگی ترین مچھلی کروڑوں روپے میں فروخت

تیزاب، بجلی کا جھٹکا اور جلنے کی تکلیف دینے والا خطرناک ترین پودا

Comments are closed.

Scroll To Top