تازہ ترین
لاہور: احتساب پر کوئی سمجھوتہ نہیں ہوگا، وزیر اطلاعات فواد چوہدری

لاہور: احتساب پر کوئی سمجھوتہ نہیں ہوگا، وزیر اطلاعات فواد چوہدری

لاہور: (05 جنوری 2019) وفاقی وزیر اطلاعات فواد چوہدری کا کہنا ہے کہ سیاست میں ذاتی تلخیاں ہیں وہ کم ہوں گی لیکن احتساب کا سلسلہ نہیں رکے گا اور اس پر سمجھوتہ نہیں کرسکتے۔

لاہور میں تقریب سے خطاب کرتے ہوئے وفاقی وزیر اطلاعات فواد چوہدری نے کہا کہ جس ادارے کو ہاتھ لگائیں پتاچلتا ہے وہ اندر سے کھوکھلا ہے۔ جب ادارے نیچے جاتے ہیں تو ملک بھی نیچے جاتا ہے۔ انہوں نے کہا کہ وزیراعظم اپنے آفس جاتے ہیں تو پتا چلتا ہے ڈھائی بلین ڈالر قرض ادا کرنا ہے۔ وزیراعظم صاحب نے فائر فائٹنگ کی۔ سعودی عرب اور یو اے ای گئے، ہم نے سب سے پہلے ادائیگیوں کا توازن ٹھیک کیا۔

یہ ویڈیو دیکھنے کیلئے پلے کا بٹن دبائیے

فواد چوہدری نے کہا کہ ہماری درآمدات کم اور برآمدات بڑھ رہی ہیں، اوورسیز پاکستانیز کی جانب سے پیسے میں اضافہ ہورہا ہے۔ ان شاءاللہ 2019 میں ہم پاکستان کو معاشی منزل کی طرف لے جانے کی کوشش کریں گے۔ آئندہ 6 ماہ میں معیشت کی بہتری کےاقدامات کیےجائیں گے۔ چاہتے ہیں روزگارکے مواقع پیدا کرنےکے کے لیے صنعتیں لگائی جائیں۔وزیراطلاعات نےمزید کہا کہ نوازشریف یا زرداری صاحب پر بنایا گیا ایک بھی مقدمہ ہمارا نہیں ہے۔ یہ تفتیش 2015 میں شروع ہوئی تھی۔ ہمارا کسی سے ذاتی جھگڑا تو نہیں ہے۔ منی لانڈرنگ کامعاملہ کیا ہے۔ یہی لوگ اس کےذمے دار ہیں جبکہ معاملہ کہیں زیادہ گھمبیر ہےجتنا پی ٹی آئی بتارہی ہے۔انہوں نے کہا کہ سیاست میں ذاتی تلخیاں نہیں ہیں۔ نوازشریف یا آصف زرداری کے خلاف مقدمات ہمارے نہیں۔ دونوں کا کوئی کاروبار نہیں تھا۔ دنیا کے اسمگلرز ، فلموں کو لوگ بھول گئے ہیں جو فلمیں ہمارے یہاں چلی ہیں۔فواد چوہدری نے مزید کہا کہ سیاست میں تلخیاں تو کم ہوں گی لیکن احتساب کا سلسلہ نہیں رکےگا۔ چاہے وہ ہمارے لوگ ہوں یا کوئی اور ماضی میں تو میرا حاجی بگو، میں تیرا حاجی بگو کا سلسلہ چلتا رہا لیکن ہم احتساب پر سمجھوتہ نہیں کرسکتے۔

یہ بھی پڑھیے

قوم کا سرمایہ لوٹنے والے آج معصوم بننے کی کوشش نہ کریں، فواد چوہدری

امریکا معاملات کی بہتری کیلیے پاکستان کی اہمیت کو سمجھ کر آگے بڑھے، فواد چوہدری

Comments are closed.

Scroll To Top