تازہ ترین
شہر قائد میں وائرل انفیکشن کے مریضوں کی تعداد میں اضافہ

شہر قائد میں وائرل انفیکشن کے مریضوں کی تعداد میں اضافہ

کراچی:(07 نومبر 2018) شہر قائد میں خنکی بڑھتے ہی بیماریوں میں بھی اضافہ ہوتا جا رہا ہے۔ ماہرین طب کے مطابق شہر میں وائرل انفیکشن نے بچوں، بڑوں سب ہی کو اپنی لپیٹ میں لے لیا ہے۔

سردیوں کی آمد کے ساتھ ہی کراچی کا موسم تبدیل ہونا شروع ہوگیا جس سے لوگ کھانسی، نزلہ، زکام سمیت وائرل انفکیشن میں بھی مبتلا ہو رہے ہیں۔

سینئر ڈائریکٹر میڈیکل ہیلتھ سروسز ڈاکٹر بیربل گینانی کے مطابق بدلتے ہوئے موسم کے باعث اسپتالوں میں وائرل انفیکشن کے متاثرین کی تعداد کئی گنا بڑھ گئی ہے ۔

ڈاکٹروں کے مطابق بیماریوں سے بچاؤ کے لئے جہاں کھانے پینے میں احتیاط ضروری ہے وہیں صفائی ستھرائی اور کھانے سے قبل ہاتھ صابن سے دھونا بھی ضروری ہے۔

ماہرین طب کے مطابق وائرل انفیکشن ایک سے دوسرے کو باآسانی منتقل ہوتا ہے اس لئے بچوں خواتین اور بزرگ افراد کو خاص احتیاط کی ضرورت ہے۔

یہ بھی پڑھیے

بچوں کو مچھلی کھلائیں اور دمے سے بچائیں

صرف دوہفتوں میں بال دوبارہ اگائیے

Spread the love

Comments are closed.

Scroll To Top