تازہ ترین
سوکھا پتا نظر آنے کیڑا

سوکھا پتا نظر آنے کیڑا

بیجنگ:(11 دسمبر 2018) کارخانہ فطرت میں حشرات الارض اور جانور خود کو شکاریوں سے بچانے کیلئے طرح طرح کے روپ دھارتے ہیں۔ کبھی ایک سُنڈی (کیٹرپلر) خود کو کھینچ کر سانپ کی شکل اختیار کرلیتی ہے تو کوئی کیڑا خشک تنکے کی طرح دکھائی دیتا ہے۔ اس فہرست میں ایک پتنگا (موتھ) بھی شامل ہے جس پر خشک پتے کا گمان ہوتا ہے۔

اس پتنگے کا پورا نام یوروپیا میٹی کیولوڈینا ہے جو مصیبت کے وقت مردہ بے جان پتے کا روپ اختیار کرلیتا ہے۔ دشمنوں کا نوالہ بننے سے خود کو بچاتے وقت رک کر بیٹھ جاتا ہے اور گمان ہوتا ہے کہ کوئی مردہ پتا بے حس پڑا ہوا ہے۔

یہ ویڈیو دیکھنے کیلئے پلے کا بٹن دبائیے

یوروپیا میٹی کیولوڈینا کی دو انواع ہیں جو بارانی جنگلات میں عام پائی جاتی ہیں۔ اس کے خمیدہ پتے جیسی شکل دیکھ کر ہر کوئی حیران رہ جاتا ہے۔ اس کی ایک اور قسم بھی ہے جس کے پر روپ دھارنے سے قبل ستواں ہوتے ہیں لیکن پتے جیسا بنتے ہی اس کی رنگت بھی کچھ بدل جاتی ہے اور یہاں تک کہ اس پر مردہ پتے جیسی شکنیں بھی نمودار ہوجاتی ہیں جنہیں دیکھ کر انسان عش عش کر اٹھتا ہے۔اگر کوئی اس کی پہلی صورت سے واقف نہ ہو تو یقین کرنا محال ہوتا ہے کہ یہ کوئی جانور ہے۔ یہ پتنگا زیادہ تر وقت نم دار زمینوں پر گزارتا ہے اور اس کی بڑی مقدار چین اور تائیوان میں پائی جاتی ہے۔

یہ بھی پڑھیے

محکمہ وائلڈ لائف نے نایاب نسل کر بلی پکڑ لی

صرف دو ڈالر کی چوری کے سراغ کے لیے پولیس نے 600 ڈالر خرچ کردیئے

Comments are closed.

Scroll To Top