تازہ ترین
بھارتی مہم جوئی کامنہ توڑ جواب دیں گے، شہباز شریف

بھارتی مہم جوئی کامنہ توڑ جواب دیں گے، شہباز شریف

لاہور:(22 ستمبر 2018) بھارتی آرمی چیف کی گیڈر بھبکیوں پر حکومتِ پاکستان اور پاک فوج کی جانب سے منہ توڑ جواب دیا گیا ہے اور دیگر پاکستانی بھی اپنا اپنا حصہ ڈالنے میں مصروف ہیں۔

صدر پاکستان مسلم لیگ (ن) شہباز شریف نے بھارتی آرمی چیف کے بیان پر رد عمل دیتے ہوئے کہا کہ بھارت کسی بھول میں نہ رہے ،جارحیت مسلط ہوئی توقوم اپنی فوج کےساتھ ہوگی، پاکستان کوسبق سکھانے کی بات کرنیوالے خوش فہمی میں نہ رہیں۔ بھارت کواندرونی مسائل کاسامناہے۔

انہوں نے کہا کہ بھارت نے اندرونی مسائل سے توجہ ہٹانے کی کوشش کی، بھارت اپنی پریشانی ہم پر مسلط کرنےکی کوشش نہ کرے۔ بھارتی جارحیت کے جواب میں قوم کا اتحاد پوری دنیاد یکھے گی۔انہوں نے مزید کہا کہ مسئلہ کشمیر سے توجہ ہٹانے کیلئے الزام تراشی کی جارہی ہے۔

واضح رہے بھارتی آرمی چیف جنرل بپن راو ت نے آج بیان دیا تھا کہ مخالف کوبھی دردکااحساس دلانا چاہیے۔ پاکستانی فوج سے بدلہ لینے کاوقت آگیا ہے، ہمیں مسلسل نئے ہتھیاروں کی ضرورت ہے۔انہوں نے کہا تھا کہ ہم مخصوص ہتھیارہم ایک حد تک استعمال کر سکتے ہیں، عسکری کارروائی ہمیشہ سرپرائزہوتی ہے جبکہ ہتھیاروں کی خریداری جاری رہے گی۔

یہ بھی پڑھیے

ملتان میٹرو کرپشن کیس میں گرفتار افسران کے اکاؤنٹس کی چھان بین

پاکستان ایٹمی قوت ہے اور ہر قسم کے خطرات کیلئے تیار ہے، آئی ایس پی آر

Comments are closed.

Scroll To Top