تازہ ترین
بھارتی فوج کی دہشت گردی میں پی ایچ ڈی اسکالر سمیت 2 نوجوان شہید

بھارتی فوج کی دہشت گردی میں پی ایچ ڈی اسکالر سمیت 2 نوجوان شہید

سری نگر: (11 اکتوبر 2018) بھارتی فوج نے مقبوضہ کشمیر میں ریاستی دہشت گردی کے تازہ واقعے میں پی ایچ ڈی اسکالر سمیت دو کشمیری نوجوانوں کو شہید کردیا۔

کشمیر میڈیا سروس کے مطابق قابض بھارتی فوج نے پیرا ملٹری اور اسپیشل آپریشن گروپ کے اہل کاروں نے مشترکہ طور پر ہندواڑہ میں سرچ آپریشن کی آڑ میں معصوم کشمیریوں کو نشانہ بنایا۔قابض فوج نے چادر اور چار دیواری کا تقدس پامال کرتے ہوئے زبردستی گھروں میں گھس کر تلاشی لی اور اس دوران پی ایچ ڈی اسکالر اور ایک نوجوان کو گولیاں مار کر شہید کردیا۔ شہداء کی شناخت ڈاکٹر منان وانی اور عاشق حسین کے نام سے ہوئی ہے۔

26 سالہ ڈاکٹر منان وانی نے علی گڑھ یونیورسٹی سے ارضیات میں پی ایچ ڈی کیا تھا اور ان کا رواں سال 16 جولائی کو ایک کھلا خط سامنے آیا تھا جس میں انہوں بھارت کے غیر قانونی قبضے اور مظالم کے خلاف آواز بلند کی تھی۔ڈاکٹر وانی نے بھارتی درسی کتب کا حوالہ دیتے ہوئے لکھا تھا کہ انڈین نیشنل کونسل ایجوکیشن اینڈ ریسرچ میں لفظ دہشت گردی کی وضاحت میں تحریر ہے کہ جو بھی ان کے ملک میں معصوم و بے گناہ لوگوں کی جان لے وہ دہشت گرد ہے، اس اعتبار سے جو کچھ بھارتی فوج نہتے کشمیریوں کے ساتھ کررہی ہے وہ بھی دہشت گردی ہے اور بھارت ایک دہشت گرد ملک ہے۔

یہ بھی پڑھیے

سعودی صحافی کی گمشدگی پرخاموش رہنا ممکن نہیں، اردوان

بھارتی ریاست آندھرا پردیش میں طوفان تتلی سے 8 افراد جاں بحق

Spread the love

Comments are closed.

Scroll To Top